నాలోని భావాల లోతు వినిపించాలంటే,
తెలుగు తప్ప నాకు మరో భాష తెలియదు.
నిజంగా చెప్పాలంటే, తెలుగులోనే చెప్పాలంటే —
ఈ పదాలు, ఈ వరుసలోనే రాయాలి.
నీ కోసం శ్వాసల సముద్రం నింపుకుంటా,
కానీ నీ తలపు తీరాన్ని తాకగానే
నా ఊపిరి ఆవిరైపోతుంది —
మిగిలేది నీ జ్ఞాపకాల తడి మాత్రమే.
కోపం వస్తోంది — నా చేతుల్లో ఏమీ లేదా?
ఈ మనసు పెత్తనం ఏమిటి?
ఎలా అయిపోయావు నా ఆత్మీయుడిలా?
నా మమకారం, నా ఆకాంక్షల మధ్య…
డోపమైన్కి నన్ను బానిసగా మార్చేశావు.
ఎన్నో భయాల్లో ఇది ఒకటి.
నేను ఈ విరహానికి దాసోహం పడతాను కానీ,
ఒక పిచ్చి దానిలా,
ఒకే పాటని పదే పదే వినేస్తున్నాను.
నిన్నే కాదు, నన్ను కూడా
మరిచిపోతానేమోనని భయపడుతున్నా.
నువ్వు కూడా మరిచిపోతావేమో అని
నా మనసు వణుకుతోంది —
నువ్వు ఒంటరివి కాదు,
మనిద్దరం ప్రేమలో పుట్టామనే సంగతి.
మొదటిసారి మనల్ని చేతుల్లోకి తీసుకున్నప్పుడు
అమ్మ కళ్లలో మెరిసిన ఆ ఆశ్చర్యంతో నిండిన మమకారం.
ఆమె హృదయ ధ్వని నీకు గుర్తుందా?

ఎన్నో భయాల్లో, ఇది మరొకటి —
నీ మాయలో పడి,
నా బుద్ధి ఆకర్షణ వైపు తిప్పేసి,
నా తత్వమే మారిపోయి, నా దయ మిగలదేమోనని
ఆకలితో ఉన్న పిల్లలకి,
ఒంటరిగా ఉన్న ముసలి వాళ్ళకి,
పేదరికం దహనం చేసే కలలున్నవాళ్ళకి —
ఒక్క కంటి చుక్క నీళ్లు కూడా ఇవ్వలేనని.
ప్రపంచానికి నా అవసరం ఉందో లేదో కానీ,
నన్ను నేను కాపాడుకోలేని స్థితిలో ఉన్నాను.
“నిన్ను రక్షించుకోలేని ప్రేమ విలువ ఎంత?”
అని అది అడిగితే, నా దగ్గర సమాధానం లేదు.
ఈ విరహం, ఈ భయం, ఈ నిస్సహాయత —
అన్నీ తెచ్చిపెట్టుకున్నవే కదా.
అందుకే, బ్లాక్చేసేస్తా నిన్ను.
–
Thank you for reading. And I attempted to translate this into English, you can find “Oceans of Breath” HERE.
– 0 –
About The Article Author:
Hi, I’m Rachana. Its been my dream for years to do something to consciously create a better future where every one of us is excited about our own potential. My challenge to everyone is that they aspire for their personal best and leave a legacy of their work through their contributions to mankind.
One more thing. In December of 2044, I hope to win the Nobel.
Will you join me on this journey of growth and transformation?
Namasté.
Poetry
Human life without some form of poetry is not human life but animal existence. ~ Randall Jarrell












It might be the first ever telugu poem by the writer. Congratulations.
Read more and more in telugu as well.
Thanks so much amma, will do ❤️